यशस्वी भव

आपण टप्प्या-टप्प्याने यशस्वी ह्या शब्दाचा अर्थ समजून घेऊ. लहानपणी आई-वडील आपल्याला जेव्हा “यशस्वी हो” असं म्हणायचे तेव्हा अर्थ असा होता कि चांगले शिक्षण व संस्कार घेऊन पुढे जाणे, ह्या वळणावर यशस्वी होण्याचा अर्थ एवढाच असतो कि जेव्हा मुलं आपल्या पालकांच्या विश्वातून बाहेरच्या विश्वात प्रवेश करतात आणि शालेय शिक्षणाची सुरुवात करतात, त्यात यश मिळवतात. हे यश म्हणजे त्यांच्या पुढील आयुष्याची पायाभरणी असते, कारण ह्या शालेय जीवनात त्यांना शिक्षणाबरोबर बरेच काही शिकायला मिळते, ते म्हणजे वैयक्तिक विकास, कला क्षेत्र, सामान्य ज्ञान, शिष्टाचार, आणि सामाजिक ज्ञान व इतर बरेच काही. हे यश मिळविणे फार महत्वाचे आहे.