आपल्या आयुष्यातील महत्वाच्या देवी-देवता

आता आपण तिसऱ्या महत्वाच्या देवतेकडे आहोत तो म्हणजे “निसर्ग”. “निसर्ग हा देव आहे” या वाक्याला कोणीच नाकारू शकत नाही, ज्याची कारणे लक्षात घेऊ. निसर्गाला कोणी एक चेहरा नाही. आपल्या सभोवताली जे काही आहे उदा. झाडं, पानं, फुलं, हवा, पाणी, इ. हे सर्व निसर्गाचाच भाग आहे. बदलणाऱ्या ऋतूप्रमाणे घडणारे बदल हे त्याचे प्रमाण आहे. आपण पाहतो कि दरवर्षी पावसाळा, उन्हाळा आणि हिवाळा हे ऋतू ठरल्या वेळेत येऊन आपली उपस्थिती दर्शवतात व दिसणारे बदल त्याची कृपादृष्टी म्हणू शकतो. आपण एक जुनी म्हण ऐकली असेलच “देवाची करणी आणि नारळात पाणी” आणि मी सांगू इच्छितो कि इथे देव म्हणजेच आपल्या सभोवतालचा निसर्ग. हे एक उदाहरण आपल्याला सगळं काही सांगून जाते. फारच थोडक्यात मी हा विषय आटोपता घेत आहे, पण निसर्गावर बोलण्यासारखे बरेच काही आहे.